 |
| DEFRI CH DAMANIK, KETUA TIM EKSPEDISI HIMAPSI MEDAN 2015 |
BAHASA Simalungun das
ma hubani hamagouan ni. Tantangan naborat do ai bani hita halak/Bangsa
Simalungun. Ancaman hamagouan ni bahasa simalungun i Kabupaten
Simalungun sandiri doras tumang termasuk ma ai i ibukota Kabupaten
Simalungun, Pamatang raya.
Kondisi ai, mardomu ma i bani situasi
pakon kondisi ni Pamatang Raya sebagai ibukota na menjadi Jantung ni
Simalungun sonari on. Mar massam massam ma bahasa na “marsappak-sappak ”
i Raya, halani ai hina otik ni marpangaruh botul do bani eksistensi ni
Bahasa Simalungun.
Tongon do hurasa , hata makkatahon lang
boi ipungkiri doras do kaitan ni bahasa pakon kebutuhan. Marhiteihon
bahasa do boi hita jolma markomunikasi pakon hasoman na legan, marhitei
bahasa do homa boi hita marsada ibagas na dear mandalani hagoluhan.
Ya,,,halani bahasa ma ai. .
Anjaha songon na jadi onjolan bani
pertahanan ni bahasa on, pamarentah domma mambaen parlindungan na
ipertegas bani aturan na isini “pemerintah daerah wa jib
mengembangkan, membina, dan melindungi bahasa dan sastra daerah agar
tetap memenuhi kedudukan dan fungsinya dalam kehidupan bermasyarakat,
sesuai dengan per-kembangan zaman, dan agar tetap menjadi bagian dari
kekayaan budaya Indonesia”.
Na gabe pardoras ni parubahan ni bahasa
bani halak Simalungun aima halani marhajabuan pakon boru na legan atape
sebalik ni. Bahat do halak Simalungun na tading i kota lang piga
mangajari niombahni marbahasa Simalungun anjaha jarang do marbahasa
Simalungun bapa pakon inang ni halani beda suku. Anjaha generasi muda pe
bahat do na gengsi anggo marbahasa Simalungun.
Tarlobih bani halak Simalungun, bahat
tumang do garama pakon anak boru ni na hurang fasih marbahasa
Simalungun. Na mambaen mapingor ulu, lang piga homa generasi Simalungun
on mahir Akasara Simalungun. Tottu on siparayakon ma ase ulang songon Kasang Lupa Kulit Ni.
Gabe songon halak sileban i tanoh kelahiran ni. Justru na masih
konsisten idahon sonarion marbahasa Simalungun bahatan pitah
oppung-oppung pakon na marorganisasi Budaya Simalungun mando.
Bahat tumang do generasi ni halak
Simalungun termasuk ma ai i Pamatang Raya hurang setia manjaga bahasa ni
sandiri, boi ihatahon songon na phobia anggo marbahasa Simalungun pakon hasoman nalegan. Miris ni kan, marpasir-pasir do homa marbahasa.
Ibagas ai tottu lang heran be hita manangar bahasa na marpasir-pasir na gati tumang tangaron bani garama ni Simalungun. “Eheee,,,,,Kau pun geee…Lama aja…jadi tading kita daa baya” contoh bahasani.
Bahkan bahat do homa halak Simalungun na
pamagouhon bahasa ni sandiri, pori pajjupah oppat halak Simalungun
janah sahalak simbalok i kodei kopi, naoppat halak Simalungun on
mambalosi mamakei bahasani simbalok ai.
Anggo ipikiri roh hubagas ni, ra do
anggo magaou ma bahasa Simalungun sarupa ma ai magou ni identitas ni
halak Simalungun. Akhir ni lang dong be goluh ni halak Simalungun bahkan
suku Simalungun ai sandiri, halani magaou ma identitas pakon jati diri.
HIMAPSI sebagai organisasi terbesar bagi
halak, mahasiswa, pemuda simalungun patut do waspada bani ancaman
magouni budaya Simalungun. Halani HIMAPSI ipajongjong untuk menjadi
garda terdepan mempertahankan pakon melestarihon Budaya Simalungun.
Halani bahasa Simalungun aima habayakonni halak Simalungun anjaha
kebanggaan ni suku Simalungun. Mase? Halani Bahasa Simalungun
marhidorat/marwah tarsendiri na lang dong bani suku nalegan. (*)
ITULIS DEFRI CH DAMANIK, KETUA TIM EKSPEDISI HIMAPSI MEDAN 2015.
0 Comments