Info Terkini

10/recent/ticker-posts

Penempatan Pandita GKPS Ulang Etek Uhur Age Itempathon Ihuta-huta

Pdt Jensi Purba STh bani perkenalan sebagai Vikaris i GKPS Jambi, Minggu (7/2/2016). [Foto : St R Saragih)
Pengantar Jemaat GKPS Jambi St Radesman Saragih S Sos, Pendeta GKPS Resort Jambi Pdt Riando Tondang STh, Ketua PGKPS Jambi Ronald Purba, Pembimbing Seksi Bapa GKPS Jambi St J Sitopu, Jonathan Saragih, Pemuda GKPS Jambi ikut mengantarkan Pdt Jensi Purba STh ke Loket Bus INTRA Jambi, Rabu 7 September 2016 siang, hendak berangkan ke Siantar dan melayani di GKPS Resort Longkung Raya. Foto Jhon Moris Siregar
BeritaSimalungun.com, Jambi-Cukup istimewa do perpisahan ni Pdt Jensi Purba STh pakon Majelis Jemaat GKPS Jambi na ipamasa bani parsermonan, Jumat (2/9/2016) borngin. Ihatahon istimewa halani sahali ai ope ipamasa perpisahan ni fulltimer (Pandita, Vikar pakon Peninjil) pakon Majelis Jemaat di GKPS Jambi bani parsermonan. Biasani perpisahan ni fulltimer na pindah pangidangion hun GKPS Jambi hu GKPS na i luar Jambi pitah ipamasa pakon jemaat siluk kebaktian minggu.

Antusias atap pe malas do uhur ni Majelis Jemaat GKPS Jambi bani na ipamasa perpisahan pakon Pdt Jensi Purba STh  bani parsermonan ai. Malas ni uhur ai taridah bani bahat ni anggota Majelis Jemaat GKPS Jambi na sirsir padaskon hata parpisahan atap pe kesan dan pesan hubani Pdt Jensi Purba STh bani panorang ai. Dong do 15 halak anggota Majelis Jemaat GKPS Jambi na mambere hata kesan dan pesan bani panorang ai hubani Pdt Jensi Purba STh na sihol pindah pangidangion hu GKPS Resort Longkungraya.(Baca Juga: Pendeta Harus Jadi Motivator dan Penyemangat Jamaat)

Buei do homa arapan ni anggota pakon Pimpinan Majelis Jemaat GKPS Jambi hubani Pdt Jensi Purba STh na itabalhon humbani status Vikar gabe Pandeta GKPS bani ari Minggu (14/8/2016). Haganup Majelis Jemaat GKPS Jambi mangarapkon ase Pdt Jensi Purba STh na dob mandalani pangidangion sebagai Vikar hampir onom bulan i GKPS Resort Jambi  totap bersemangat mangidangi age ija pe itempatkon Pimpinan Pusat GKPS.

“Ulang pala etek uhur age pe Ham itempatkon i GKPS na buei ihatahon halak huta-huta ope.  Halani etek ni uhur manjalo  tugas pelayanan gati mambahen moru semangat mangidangi. Justru pelayanan i huta-huta do sonari perlu pangidangion ase pagori ni kuria GKPS na i huta podas lebih maju, age secara pola piker, pendidikan, ekonomi sonai homa kerohanian,”nini sahalak anggota Majelis Jemaat GKPS Jambi, Sy Rosenman Saragih bani perpisahan ai.

Nini Sy Rosenman Saragih, pagori ni kuira GKPS na ihuta-huta sonari bahat do na mamorluhon sentuhan pelayanan ni pandita na lobih dear, lobih serius. Ihatahon sonai halani sadokah on bahat ope kuria ni GKPS i huta-huta i Simalungun hatinggalan pembangunan. Bani situasi sisonai ai ma porlu kehadiran ni Pandita na boi mambere semangat kerja, pencerahan pakon jalan keluar atap pe solusi hubani kuria GKPS pakon warga Simalungun na i huta-huta.

“Pemberian motivasi pakon pembekalan iman hubani kuria GKPS I huta porlu ase ulang sidea ketinggalan torus bani pembangunan, termasuk ma pembangunan kerohanian. Kehadiran ni Pandita i huta-huta porlu ase kuria GKPS  na ihuta rajin marhorja, rajin marminggu, rajin hu partonggoan, martanggung  jawab laho mamboban niombah ni seda tardidi, marminggu pakon hora na madear na legan,”nini Sy Rosenman Saragih.

Sikapi Narkoba

St Jabangun Sitopu bani panorang ai mengkatahon, kehadiran ni Pandita na serius mangidangi i GKPS na i huta – huta porlu laho mampargogohi pagori ni kuria, terlobih ma generasi muda Kristen Simalungun mandompakkon masalah sosial sondahan on, aima penyalahgunaan narkotika dan obat-obat berbahaya (narkob).

“Porlu do tumang adong perhatian ni Pandita GKPS na ihuta laho mambere pembinaan hubani dakdanak pakon pemuda GKPS na ihuta ase ulang urah terpengaruh bani penyalahgunaan narkoba. On sada tanggung jawab na borat banta i GKPS. Halani ai Ham pe homa pandita boi mambere pembinaan hubani Kuria na i huta pasal pencegahan pakon penanggulangan narkoba on,”nini sintua ai.

St Awal Juni Darwan Damanik SE MM pe homa mangindohon ase Pdt Jensi Purba STh mambohali diri pasal pertanian ase boi mangurupi warga GKPS na dong i huta maningkatkon penghasilan keluarga humbani sektor pertanian.

“Hampir 90 % do kurianta i huta, tarmasuk I GKPS Longkungraya parjuma-juma. Halani ai porlu do bohali Ham diri mu pasal pertanian ase boi iurupi Ham parjuma-juma na ihutanta,”nini.

Pdt Jensi Purba STh pe homa menyambut baik do harapan-harapan ni anggota Majelis Jemaat GKPS Jambi ai. Haganup harapan ai aima gabe sada tanggung jawab na sihol sihorjahononni bani pelayanan i GKPS Longkungraya. Harapan pakon semangat na binere ni Majelis Jemaat GKPS Jambi ai mambahen semangat Pdt Jensi Purba STh laho malangkakon langkahni mangidangi i GKPS Longkungraya.

“Tarima kasih ma bani dorongan, dukungan pakon tonggo nasiam sadokah au mangidangi gabe Vikar i GKPS Resort Jambi sadokah onom bulan on. Tarima kasih ma homa halani sanggah vikaris i GKPS Resort Jambi ma homa ahu itabalhon gabe Pandita GKPS. Andohar boi ahu mangindangi lobih dear i GKPS Longkungraya. Agepe ahu mangidangi i GKPS  na i huta,lang pala etek uhurhu. Sebagai Pandita GKPS, siap do ahu melayani  age i GKPS ja penuh kesabaran, kesetiaan dan tanggung jawab,”nini Pdt Jensi Purba STh.

Jemaat GKPS Jambi pe semangat janah bangga do homa bani Pdt Jensi Purba STh na itugaskon gabe Pandita Resort i GKPS Resort Longkungraya. Rasa bangga janah semangat ai taridah sanggap perpisahan ni Pdt Jensi Purba STh pakon kuria GKPS Jambi silukkebaktian minggi i GKPS Jambi, Minggu (4/9/2016). Age pe pitah lampet hansa ibahen snack atap kue ni sanggah perpisahan ai, dear do haganup pagori ni kuria GKPS Jambi manjalo hata partadingan ni Pdt Jensi Purba STh.

Bani ujung ni acara perpisahan ai, tapang do haganup pagori ni kuria, pangurus seksi, pangurus sektor, pimpinanm majelis, majelis ampa pangurus GKPS Resort Jambi marjabat tangan paingkathon Pdt Jensi Purba STh hu ianan pangidangion na baru i GKPS Longkungraya. Selamat mangidangi ma hubani Pdt Jensi Purba STh. Tetap semangat. (St R Saragih)




Berita Lainnya

Post a Comment

0 Comments