 |
| Ephorus GKPS |
Sanggah studi penulis i Manila hampir
lobih hurang 8 tahun adong do kebiasaan setiap halak karisten ijai bani
panorang natal mempersiaphon gift natal atap kado Natal. Penulis sendiri
pakon inang ampa niombah setiap tahun pasti manjalo gift natal on.
Bentuk pakon hargani lang pala sadiha tapi kesanni mendalam luarbiasa.
Memang agak mirip pakon kebiasaan tukar kado atap change kado na domma
ipraktekkon bani namaposo atap sekolah minggu suang sonai halak dewasa i
gareja-gareja i Indonesia bani panorang parpudi on.
Bedani anggo tukar kado domma iaturhon
ise2 halakni. Ise na mambere janah ise na manjalo. Batas minimum harga
kadoni domma itontuhon. Sipata adongdo na berkomentar miring sanggah
kado atap gift na jinaloni lang sesuai bani kesepakatan.
Pakon hata na
legan change kado sifatni formal, iatur lang spontan. Ibagas pikiran na
marchange kado on ia pe pasti do manjalo. Bani change kado marlaku hukum
reciprocity. Ahu mambere untuk manjalo. Ibagas uhur na manjalo
“moga-moga na hujalo dearan janah mahalan marimbang na hubere”.
Marbeda tumang pakon gift natal atap
kado natal. Sifatni spontan janah na mambere lang pala mangaraphon
balasan humbani na binereni. Lang reciprocity sifatni. Na manjalo lang
iharushon mambere. Tapi anggo bani sada panorang na manjalo gabe mambere
ai buahni na dob gabe sipanjalo ma ai. Janah panorang mambere pakon
manjalo gift natal on marupahon momentum na selalu itunggu-tunggu.
Dob na rimang-rimangi hapeni bagas do
makna ni Gift Natal on. Ipudini perilaku mambere gift natal untuk halak
na legan tersirat do makna na sangat mendalam. Perilaku on mencerminhon
janah meneladani na binahenni Naibata hubani Jolma. Naibata ibagas
Jesus Tuhan domma gabe “gift” Natal hubani jolma pardosa.
Janah “gift”
Natal ni Naibata ibagas Jesus Tuhan lang mangaraphon balas humbani
jolma. Pemaknaan on do hapeni sejak awal memotivasi gift natal na iatas.
Natal ai ma paingathon halak na porsaya bani hadiah na domma jinaloni,
ai ma haluahon ibagas jesus. Sadalan hujai na domma manjalo pe tardilo
gabe si pambere. Pemaknaan on kemudian iterjemahkon bani praktek gift
natal na iatas.
Martin Luther manghatahon haluahon ai ma
idop ni uhur. Haluahon ibagas Jesus ai ma anugrah atap sola gratia.
Pakon hata na legan haluahon ai ma hadiah. Sang natal ai ma hadiah ( Joh
3:16)
Sayangni perilaku ‘gabe’ gift natal atap
perilaku mendatangkan sukacita atap perilaku menjadi berkat untuk
orang lain on musiman hansa, sanggah panorang natal, lape gabe pola
hidup sehari-hari. Betapa dasyatnya kesaksian halak karisten anggo
menjadi berkat bagi orang domma gabe pola hidup.
Panorang natal paingathon hita bahasa
domma ijalo hita gift natal atap hadiah natal ai, buahni? Panorangni ma
hita gabe sipambere atap mambere gift atap hadiah natal untuk halak na
legan tanpa mengharapkan balasan.
Panorangni ma homa perilaku gabe
“gift” natal on lang pitah musiman tapi gabe pola hidup sehari-hari.
Panorangni ma hita na dob manjalo hadiah natal memiliki pola hidup
mendatangkan sukacita atap gabe siboan pasu-pasu untuk orang lain.
Marhiteihon pola hidup na sonai hita domma menjadi pewarta Sang Natal
itu sendiri. Selamat “gabe” gift atap hadiah natal ma untuk halak na
legan.
Pulang kampung dari jakarta ke desa Natal
Pulangnya jangan lupa bawa kemiri
Kepada seluruh umat sa GKPS saya ucapkan selamat hari Natal
Pesan Natal kita sudah menerima saatnya kita menjadi pemberi.
(Sumber www.gkps.or.id)
0 Comments