ONTANGAN MANDIHUTI "WORKSHOP MANANGKUT PARTADINGAN PAKON PADEAR TOMBUAN"

Ai bahat ma hape hita Simalungun on, tarlobih ma ai na domma daoh hun huta hasusuran, lang mambotoh aha artini PARTADINGAN. Gatian ma hita manangar istilah Mas Kawin atappe Sinamot.

Anggo nini ompung Nasapari, anggo i Simalungun on gan lang dong itandai Sinamot anggo laho marunjuk garama pakon anak boru (menikah), tapi PARTADINGAN do gan.

Hape anggo nini orangtuanta nasapari bahat do nilai filosphis na terkandung bani simbol Partadingan ai. Anggo ijojori hita humbani isi, susunan, cara manrahut (pudun) taridah do ijai penghormatan, tarlobih hubani INANG namanubuhkon calon pengantin naboru. Ganup do memang mamorluhon duit, tapi hape lang duit ganup sintuhuni. Anggo nini ompungta i Simalungun sapari, boido sasap utang halani "santampuk demban".

Bani namanusun partadingan on dong do Ruhut na manlambanghon tonggo pakon harapan (Yantra: Sanskerta). Sanggah mambuka PARTADINGAN, pihak anak boru jabu ni parboru (calon tondong baruni pihak paranak) manjojori sambil patuduhkon ganup isini PARTADINGAN ai. Ipartulimati cara manangkut (pudun) pakon susunan isini partadingan ai. Janah anggo dong nalepak dong do Dondani.

Marpardomuan hujai, hanami hun Parguruan/ Sanggar Tortor Elakelak Simalungun mangontang nasiam ganup Bapa - Inang, Tulang - Anturang, Mangkela - Amboru, Sanina Lawei ase rup marsiajar-ajaran hita bania acara "Workshop Padear Tombuan pakon Tombuan" na marianan i Sanggarta i Sirpang Daligraya, Kecamatan Raya.

Ontangan on tarlobih ma ipadas hanami bani hasoman Pelajar pakon Mahasiswa Simalungun sebagai pewarih budayanta - na lagi liburan i huta hasusuranta. Bani hita sihol mandihuti acara Workshop on boi manghubungi Sekretariat Tortor Elakelak i huta Sirpang Daligraya atau menghubungi: Jhones Girsang, Jan Veriadi Sumbayak, Jhon Damanik, Seniman Na Tarlantar, Saud Damanik.

Sai andohar ma holi acara Workshop on boi manambah pangarusionta rup, janah semakin lestari ma Budayanta Simalungun on.

Horas ma banta ganup.

Diatei tupa. (Roni Sumbayak)