}); Kepemimpinan yang Berkarakter (GKPS Tahun 2020) | BeritaSimalungun
Home » » Kepemimpinan yang Berkarakter (GKPS Tahun 2020)

Kepemimpinan yang Berkarakter (GKPS Tahun 2020)

Written By Beritasimalungun on Saturday, 21 December 2019 | 11:31

KEPEMIMPINAN YANG BERKARAKTER

Parlobeini

Sadalan hubani strategi utama GKPS menuju visi “gabe Gereja siboan pasu-pasu anjaha na sari” tahun 2030, sonari domma das hita hubani ujungni tahapan Rencana Strategis (Renstra) lima tahun (2016–2020). Arah pakon konsentrasini GKPS bani tahapan on aima laho mangayaki tujuan ‘Memperkokoh Kualitas Sumberdaya Manusia dan Kepemimpinan’ marhitei tema “Ibohali mangkorjahon horja na madear” (2 Timoteus 3:17). 

Secara khusus bani tahun 2020 on, idilo haganupan kuria ase riap ambil bagian bani Tahun Kepemimpinan Yang Berkarakter, aima na laho pasirsirhon kuria in gabe sipambobai na toruh maruhur, sihabiari Naibata, sibalosi ajar, ampa ibagas biak namadear ase lambin tarbarita goranni Kristus.

Porini ibagas tahun on ipamasa hita do periodeisasi kepengurusan bani ganup tingkatan, sedo mararti sungkup ma tahun on atap iulaki use bani lima tahun na roh pakon satorusni, panorang banta laho mansahapkon pasal kepemimpinan. 

Iporluhon do torus evaluasi, golpa-golpa, atap kritik ase boi lambin jumpah hita model kepemimpinan na hinarosuhkonni Naibata i tongah-tongahni gereja, aima kepemimpinan na berkarakter Kristus.

Pemimpin pakon Kepemimpinan 

Pemimpin (sipambobai) aima ganup halak na boi mampengaruhi halak na legan riap mangkorjahon sada horja bani sada tujuan marhitei hapandeian atap halobihanni. 

Dalahi, naboru, orangtua, niombah, namatua atap dakdanak boi do gabe pemimpin sesuai hubani ianan ampa situasini bei i keluarga, parhorjaan, parhasomanon, masyarakat atap organisasi tertentu. Ibagas arti na sonon ma iarusi hita sub thema tahun 2020 on, paboa haganup do hita idilo ase gabe pemimpin.

Secara sederhana defenisi kepemimpinan (leadership) aima “proses sada halak individu mempengaruhi tumpuanni individu-individu ase das bani sura-surani tumpuan ai” (Peter G. Northouse). 

Na legan mangkatahon “sada proses mampengaruhi halak na legan ase mangarusi ampa satuju pasal aha na maningon ihorjahon pakon sonaha mangkorjahon ai, ampa proses sonaha mambohali langkah-langkahni sada halak atap humpulan ase boi das hubani tujuan riap” (Gary Yukl). 

Adong na porlu ipardiatei laho pabagashon pangarusionta pasal kepemimpinan, baik kepemimpinan umum sonai age kepemimpinan gereja. Naparlobei, adong proses mempengaruhi. 

Artini adong upaya-upaya laho meyakinhon na ipimpin ase sirsir mangkorjahon parentahni pemimpin atap haputusan na isepakati bersama. Bagei do cara na boi ibahen pemimpin laho mampengaruhi halak na legan, boi do marhitei parentah, boi do marhitei na manotapkon aturan-aturan, boi do marhitei na pataridahkon teladan (usihan). 

Secara organisasi, proses mempengaruhi ai iterjemahkon marhitei upaya sonaha ase ganup anggota mandalankon administrasi (sistem pakon aturan) sesuai hubani manajemen (struktur dan tata kerja) na marlaku bani organisasi ai. Napaduahon, maningon idingat paboa tanggungjawabni pemimpin aima mambobai hubani tujuan bersama (ganup jolma). 

Ijon ma kuasani pemimpin ibatasi ase hajongjonganni ai torus ipakei laho manggoki siholni uhur ampa haporluanni ganup jolma na ipimpin. Kepemimpinan aima sada sarana hubanta laho mangkorjahon ampa menerapkon prinsip, visi ampa siholni uhur na sihol icapai. 

Domu hujai boi do iartihon bahwa kepemimpinan aima cara proses laho mamboan halak na legan masuk hubani sada sura-sura na dob irencanahon, terstruktur, memiliki jangkauan berpikir untuk masa depan anjaha mamproduksi kerja sama pakon kerja keras laho mangayaki sura-sura ni perorangan pakon organisasi.

Masalah pakon Tantangan Kepemimpinan Gereja

Secara organisasi, kepemimpinan gereja termasuk do hubani bagian administrasi dalam arti luas. Setiap rganisasi pasti do igerakkon administrasi na dong ibagas (sistem pakon aturan). Administrasi boi dear mardalan anggo ihorjahon marhitei manajemen na dear (sesuai hubani struktur ampa tata kerjani perangkat kepemimpinan).  

Manajemen boi mardalan dear anggo dong kepemimpinan na dear. Kepemimpinan boi mamboan hubani tujuan organisasi anggo dong haputusan-haputusan na topat. Anjaha pardongni haputusan na topat ai itontuhon karakter, moral ampa haporsayaon (iman) ni na mambahen haputusan (pemimpin). 

Jadi persoalan utama sasintongni sedo bani sistem atap aturan na dear atap lang, tapi karakterni na memimpin do. Nini pepatah “who man behind the gun” (ise do jolma na manjolom bodil). Tongon, porlu tumang do sistem aturan na dear, tapi boi do lang marguna in i tanganni pemimpin na jahat.

Tantangan kepemimpinan gereja gati do roh humbagas dirini pemimpin ai sandiri. Masalah na serius terkait hubani kepemimpinan aima kemunduran (degradasi) sikap ampa motivasi. Isadari atap lang, sikap “iidangi” atap “tuan” cenderung lambin menguat homa age bani kepemimpinan gereja.

 Gaya “mangidangi” domma mulai igeser gaya “nge-bos”, hape hakekat kepemimpinan gereja  aima mangidangi. Pemimpin gereja aima sipangidangi, sedo tuan atap bos na maningon iidangi anjaha ipasangap.

Tantangan na mangihut aima sonaha gereja mempersiapkon pemimpin masa depan. Domma dong bakal pemimpin laho manggantih pemimpin si sonari?  Mungkin mahol do hita marbalos pasal on, halani lang ihorjahaon hita pasirsirhon gantihta. Gati do ianggap na legan ai gabe “saingan”. 

Aima ase gati do mahol hita mangindahi pemimpin bani panorang periodeisasi. Na ideal aima anggo sada organisasi pasirsirhon pemimpin masa depan, songon si Musa na mambohali Josua. Ijon ma buei organisasi atap gereja mengalami kegagalan, halani hurang serius laho pasirsirhon estafet kepemimpinan.

Gereja marianan anjaha marbanggal ibagas dunia na terus menerus mengalami perubahan. Perkembangan tekhnologi komunikasi pakon informasi na torus lambin mutakhir, dihut do berkontribusi mambahen perubahan-perubahan na terjadi bani jolma na na i dunia on. 

Perubahan in mamorluhon ‘kepekaan’ gereja ase lambin serius menyikapi dampak-dampak negatif  na roh halani perkembangan in. 

Pengaruh sekularisasi (budaya sekuler) lambin pataridahkon diri, sehingga nilai-nilai agama lang be gabe pilihan sidearan laho mandompakkon tantangan bani masyarakat. 

Dorasni arus modernisasi ampa rasionalisasi bani ganup aspek pargoluhan mambahen pengaruhni agama (gereja lambin galek. Perkembangan informasi na tanpa batas bani jaman sonari on mambahen goluhni jolma lambin sibuk, lambin kritis, lambin bebas anjaha lambin individualis (mamorluhon diri sandiri anjaha lang parduli).

Perkembangan jaman na isobut in marpangkorhon do homa hubani semakin tinggini persaingan i tongah-tongahni bani masyarakat dunia. On mambahen ketimpangan sosial pe lambin marbanggal ma. Na bayak lambin bayakni anjaha na miskin lambin terpuruk. 

Halak na bayak boi ‘berkuasa’ halani buei modal anjaha halak na miskin ‘terjerat’ bani sidingni kapitalis na seolah mambere “kemudahan” tapi manrahut halak na miskin bani budaya ketergantungan. 

Bani sisi na legan lambin buei do homa akibat keadaan in hubani kemerosotan moral ampa hajahaton na mambahen lambin buei korban kekerasan ampa ketidakadilan. Sonaha ma kepemimpinan gereja boi “menyentuh” keadaan on?  On ma salah sada gabe perhatian ni gereja ase boi misi hubani sidea na gabe korban na galek, na marsitaronon, ampa na musil.
Kepemimpinan (Gereja) na berkarakter 

Ibagas na mandompakkon tantangan ampa perubahan in, idilo do gereja laho pasirsirhon diri ase lambin boi mambalosi persoalan na masa ibagas dirini sonai homa pengaruhni na masa i darat.  Hata ni Naibata do na gabe dasar bani gereja laho mandalankon kepemimpinanni. 

Pengalaman iman (haporsayaon) ni buei halak na ipabangkit Naibata das hubani Jesus Kristus buei tumang mambere ‘podah’ bani kepemimpinanni gereja. Maningon isadari hita do paboa kepemimpinan gereja lang sekedar teknik operasional na boi ihorjahon marhitei ruhut-ruhut ilmu manajemen, tapi adong do aspek spritualitas ibagas. 

Aspek spritualitas aima ‘relasi’ (hubungan) pakon Naibata, adong kesadaran paboa harosuh ni Naibata do na ipatalar ibagas kepemimpinan gereja. 

On ma bonani kepemimpinan na mar-karakter. Adong ciri na mambedahon ia humbani buei model kepemimpinan na adong i dunia on. Hata “karakter” mararti aima biak, sifat, akhlak atap watak na mambedahon sasahalak humbani na legan.
  1. Marlajar humbani Kepemimpian Musa
Pemimpin sedo penguasa mutlak na berdiri sendiri atap na lang be mamorluhon pambobaion humbani pihak na legan. Sedo untuk tujuan pribadi, tapi tujuan na roh pihak na legan do, humbani Naibata. Misalni, Naibata do na mandilo Musa ase ia padaratkon bangsaNi humbani tanoh parjabolonan Masir. 

Dasarni aima halani itangar Naibata doruh-doruhni bangsaNi anjaha sihol Ia patalarhon haluahon. Jadi inisiatif sedo roh humbani Musa, sedo homa halani adong halobihanni Musa ase ipadarat Naibata bangsa ai, tapi halani itangihon Naibata do sitaronon ampa pangodoh-odohon na binahenni bangsa Masir. 

Misini Naibata do gabe alasan mase ipabangkit juak-juakni  gabe pemimpin, aima mamboan luar bangsaNi humbani sitaronon manuju hubani bagah-bagahNi. Mangihutkon hasaksian bani buku 2 Musa, sasintongni lang adong tangkas halobihanni si Musa. 

Pengakuan lang talup anjaha lang sanggup do isaksihon, nini do “Ise ma ahu, ase ahu laho marayak Parao, anjaha padaratkon halak Israel hun Masir?” (2 Musa 3:11). Ibandingkon do dirini na etek tumang marimbang horja na sonin banggalni, padaratkon halak Israel hun Masir. 

Itanda do dirini na lang pandei marsahap, anjaha ra do ia mambalosi hata ampa parentahni Naibata. Idalankon Musa do parentah ai dob ipatoguh Naibata ia marhitei padan “Huhasomani pe ho; on ma tandani bam paboa Ahu do na marsuruh ho; ia dob ipadarat ho bangsa ai hun tanoh Masir, pasangaponnima ma Naibata iatas dolog on” 2 Musa 3:12). 

Tongon ma, ihasomani Naibata do ia marhitei halongangan-halongangan, marhitei na patuduhkon si Aron gabe parsahap bani. Sanggah panorang pardalanan i halimisan, torus do itogu-togu Naibata si Musa gabe pemimpin na hebat sanggah mandompakkon buei ungut-ungut ampa parkaranni bangsa ai. 

Sada panorang, sanggah buei ungut-ungutni bangsa ai na sihol mulak hu pudi anjaha mansalahkon Musa, ijai hadir do Jetro, sebagai penasehat bani. Nini Jetro do : “tapi pindahi ma humbani ganup bangsa in dalahi na pantas maruhur, sihabiari Naibata, dalahi hatengeran ni uhur, na mangkagigihon sisip; ai ma pabangkit bahen pangintuai, manggomgom sidea marsasaribu, marsasaratus, marlima-lima puluh ampa marsasapuluh” (2 Musa 18 : 21). Sirsir do Musa manjalo pangajarion ampa podah sonaha memimpin bangsa ai. Ijon ma taridah karakter toruh mauhur bani si Musa sanggah ipodahi simatuani, Jetro.

Kepemimpinan na iajarhon Jetro bani Musa aima model pendelegasian (mambagi kuasa ampa horja). Musa mangondoskon parkara na boi iurus pangintuai ni Israel domu hubani tingkatan parkara ampa bueini sidea, humbani pemimpin saribu halak, saratus halak, limapuluh halak ampa sapuluh halak. 

Pambalosionni ai mambahen Musa boi luar anjaha manadingkon model kepemimpinan single fighter (sahalaksi tumang). Idalankon do podah ai marhitei na mambagi horja, mambagi kuasa (wewenang). Seleksi na ibahen aima marhitei na mamilih pemimpin-pemimpin domu hubani karakter na hinarosuhkonni Naibata. 

On tanda-tanda undukni uhur ni si Musa i lobei-lobeini Naibata, sirsir do ia mambalosi demi haporluanni pardalananni bangsani Naibata ai. Habanggalon ampa wibawani sada halak sipambobai sedo bani kuasa atap tahta harajaonnini, bani sikap toruh maruhur na sirsir manjalo podah na humbani Naibata do.
  1. Ajaran ampa Model Kepemimpinanni Kristus
Bani hatani Naibata na isobut bani sub thema on aima bagian humbani ambilanni Jesus i atas dolog (Mateus 5). Jesus patugahkon sonaha ruhut-ruhutni goluh na maningon sidalankononni halak na mangirikkonSi. Sedo hubani goluh na “aman” ipasirsir Jesus susian ai, tapi laho mandompkkon situasi na gok resiko do, aima iparburu anjaha marsitaronon. 

Jadi anggo ihatahon Jesus “ronsi seda langit pakon tanoh on, na so bulih maseda humbani titah in sada titik atap sada garis pe, paima saud haganupan in(ay.18), maksudni aima laho mempertegas paboa pandalankonon bani titah lang marubah halani na roh Jesus, gariada itantang do ase susian ai boi “lobih” humbani habujuronni halak Parisei ai mandalankon titah. 

Nini use bani ayat 19 Ase barang ise na manrumbakkon sada pe humbani titah sietekan in, anjaha ipodahkon sonai bani jolma, ai do goranon sietekan i harajaon nagori atas in; tapi na mandalankon anjaha na mangajarhon in, ai do goranon na banggal i harajaon nagori atas in. Adong tuntutan etika ase kualitas haporsayaon (iman) ni halak mangirikkonSi ase ulang marbanggal pitah bani suasana tenang, tapi ase totap marbuah bani situasi na gok risiko. 

Adong hubunganni hubani hajongjonganni susian na isobut bani ayat 13-14 “hanima do garam…, hanima do panondang” hubani susian ai. Lang sekedar peranan, tapi soal identitas (keberadaan) i tongah-tongahni dunia on. Bani hata gorik  ‘hymeis este’ mararti “hanima, hanima do…” (adong pengulangan subjek). Makna na sihol ipatugah aima “hanima do, sedo halak na legan”. 

Sebagai halak siirikkon Kristus, idilo anjaha itogu do hita ase lang sarupa (berbeda) pakon dunia on. Adong identitas khusus. Persoalan i dunia on sedo halani lang adong garam pakon panondang, tapi halani garam ai domma mambar anjaha panondang ai irungkubhon bani tumba.

Sanggah isahapkon Jesus pasal sitaronon ampa hamateian na sihol dageionNi, susian ai justru “sibuk” mansahapkon ise sibanggalan humbani sidea. (Mrk 9:34). Lang iarusi sidea ope pasal hamesiasonni Jesus. 

Ai do mambahen sidea fokus hubani ise do sidea na patut gabe sibanggalan, gabe pemimpin laho manggantihkon Jesus. Adong na kontras, Jesus mardalan manuju silang hape susian ai mangindahi hasangapon. Mangirikkon Jesus sasintongni aima dilo-dilo masuk hubagas goluh na rup marsitaronon pakon Kristus. 

Jesus pasintongkon pikiranni susian marhitei na mangkatahon “Barang ise na sihol parlobei, parpudi ma ia bani haganup anjaha, juak-juak bani haganup halak”. (Mrk 9:35). Tuhan Jesus mamboan pandangan na berbeda humbani pandangan dunia na manganggap hasangapon anggo domma buei halak na mangidangi dirini. Na ipindahi aima hasangapon ibagas bentuk kuasa, popularitas ampa habayakon, cenderung manjalo perhatian ampa penghargaan. 

Jesus mangajarhon pasal kepemimpinan sejati. Bani na sihol i lobei maningon sirsir do ipudi. Na sihol gabe sipambobai, maningon sirsir gabe juak-juak. Bani hata gorik ‘juak-juak’ aima doulos, na mararti ‘hamba’ na lang dong hak tapi buei tanggungjawab, na maningon mambalosi aha pe na hinatahonni tuanni. Juak-juak mararti maningon si ‘pambalosi’. Ipatangkas Jesus do ide ai marhitei na mangabing sada halak dakdanak sebagai model (Mrk 9:36). 

Lang adong bani dakdanak kuasa atap pengaruh, bahkan panorang ai ianggap do sebagai pribadi na galek ope. Jesus mangkatahon “Barang ise na manjalo sada dakdanak na sonon halani Goranku, Ahu do na jinaloni ijai, anjaha barang ise na manjalo Ahu, sedo Ahu jinaloni ijai, na marsuruh Ahu do”. 

Hasangaponni pemimpin iukur sedo humbani bueini na mangirikkon ampa mangidangi ia, tapi humbani bueini halak na iidangi do, das hubani halak na galek, na musil, ampa marsitaronon. Konsep kepemimpinan na ianut buei jolma sanggah ipabalik Jesus 180 derajat. 

Agepe gok kuasa do Ia anjaha sada pe lang na boi mangatasi (Joh 13:3), sahali pe lang ongga ipakei ai laho mansuhuni kepentingan pribadi. Jesus mamakei kuasa na dong Bani gabe parugas laho mengidangi ganup jolma.

Bani ianan na legan, buei do tindakanni Jesus pataridahkon karakter kepemimpinan juak-juak (hamba) na porlu iusih gereja. Sifat juak-juak ai taridah do sanggah Jesus roh mamurihi naheini ganup susianni (Joh.13). Roh do Ia anjaha rap hundul pakon sijalo sohei ampa pardosa (Luk.5:30). 

Ambahni ai, marhitei diriNi sandiri na iondoskon hu hamateian i hayu silang pe, ai lang gambaranni juak-juak na mambalosi tuanni do ai? Karakter juak-juak na mambalosi Bapa na marsuruhSi. Nini do sanggah i Getemane : “Ham Bapa, anggo seng boi salpu panginuman on, anggo na maningon inumonKu do, sai saud ma harosuh ni uhurMu”. Sedo halani na mangindahi hasangapon Ia, tapi halani pambalosion dompak Bapa na marsuruhSi. 

Agepe marrupa Naibata  Ia, tapi ipakei do rupani jabolon laho paluahkon, tapi Ia do na ipagijang Naibata mangatasi sagala goran (band Pilipi 2 : 6-11). Tongon ma, hasangapon sedo tujuan mutlak sehingga maningon ipindahi marhitei cara aha pe, tapi dampakni hasirsiron gabe juak-juak dompak na legan (proses menjadi hamba).
  1. Membangun Kesadaran Kepemimpinan
Ibagas na mewujudkon hajongjonganni selaku garam pakon panondang i dunia on, idilo do GKPS pasirsirhon kepemimpinan na boi mambobai pagorini kuria in hubani harosuhni Naibata. Porlu torus ibangun kesadaran gereja aima lembagani Naibata na porlu torus mangadongkon pembaharuan i dunia on ronsi das hubani parrohni Jesus na paduahalihon. Panorang na dob ilopusi bahenonta ma ai gabe ‘sormin’ laho mangidah halobihan na porlu ipertahankon ampa marlajar humbani hahurangan ase jumpah na lobih dear.

Ganup hita, selaku pemimpin i keluarga, parhorjaan, masyarakat ampa kuria ase torus ma homa mengembangkon diri domu hubani karakterni Kristus. Adong piga-piga parlajaran humbani sub thema in na boi mamuhoi hita hubani kesadaran paboa kepemimpinan na berkarakter ai boi jumpah maningon ibangun hita kesadaran bani hadirionni ganup pemimpin. Siotikan adong  ompa arah kesadaran na porlu torus ipabanggal hita bani pardalananni goluhta selaku halak na porsaya ;
  1. Sadar iman. Naibata do na mandilo gereja gabe pemimpin i dunia on. Horja na iondoskon sedo horja untuk memenuhi haporluan pribadi atap kelompok, tapi laho pasaudkon na hinatahonni Naibata do. sedo tujuanni pemimpin, tapai tujuanni Naibata do. Horjani pemimpin gereja aima mabobahon kuria in ase mardalan ibagas haporsayaon (iman). Domu hujon na paling utama ipporluhon aima sonaha sahalak pemimpin paturei-tureihon haporsayaon dompak Naibata. Lambin dear parsaoranni pakon Naibata, lambin taridah ma sonaha sonaha holongni dompak ganup halak.
  2. Sadar Konteks.
Situasi na pasti idompakkon ganup jolma aima sitaronon anjaha lang adong kuasani jolma laho mamonopkon dirini. Halani ai pangkawahni pemimpin maningon do das hubani sitaronon na masa na idompakkon ganup pagori ibagas lembaga, na idompakkkon masyarakat sama lingkungan. Sahalak pemimpin boi lambin “peka” hubani situasi na sekelilingni, aima anggo dong bani kesadaran paboa dihut do ia bani odoranni na marsitaronon ai.
  1. Sadar Aturan.
Hubani ise do pemimpin gereja tunduk? Secara haporsayaon aima hubani Naibata na mandilo. Tapi secara organisasi maningon hubani aturan do ganup kepemimpinan maningon tunduk. Aturan do na gabe pengendali sekaligus na gabe sarana pertimbangan laho mambahen sada haputusan. 

Biak na sirsir mangihutkon aturan na dob itotapkon bersama (synode), ai do gabe ciri ini pemimpin na mambalosi Naibata.  Nini Paulus hubani si Timoteus  “Tapi anggo ho, totap ma ho bani na dob ginuruhonmu ampa na hinaporsayaanmu, ai ibotoh ho do ise na mangajarhonsi bam” (2 Tim. 3:14).
  1. Sadar Ilmu
Maningon isadari hita do paboa bani sada pihak terbatas do kemampuanni ilmu pengetahuan laho mangidah masa depan, tapi i pihak na legan Naibata mambuka harapan pasal masa depanta. 

Domu hujai iporluhon pemimpin do torus upaya mengembangkon diri secara ilmu pengetahuan. Tandani halak na martoruhni uhur do ai anggo adong hasirsironni torus marlajar atap berbenah diri. Ijon ma holi taridah sonaha kreativitas pakon inovasi ini sada halak boi berkembang.

Panutup

Sonai ma hatorangan sub-tema Tahun Kepemimpinan Yang Berkarakter (2020) on ipasirsir hanami. Pangarapanta ase rup ma hita laho mengembangkon potensi kepemimpinanta bei bani ganupan ianan, panorang ampa situasi na idompakkon hita. 

Iporluhon do peran kepemimpinanta laho mamboan keluarganta, hasomanta, masyarakat ampa kuriani Tuhan hubani goluh na lobih dear anjaha sadalan hubani harosuhni Naibata. Songon nini Hata ni Naibata bani Podah 11:14a : “Anggo seng dong be sipambobai, maseda ma bangsa”.

KERANGKA ACUAN KEGIATAN
Tahun Kepemimpinan yang Berkarakter

Tema :
Diperlengkapi untuk melakukan perbuatan baik (2 Timotius 3:17)
Ibohali Mangkobashon Horja na Madear (2 Timoteus 3:17)

Sub Tema :
Persiapkan jemaat menjadi pemimpin yang rendah hati, takut akan Tuhan, taat kepada ajaran, berperilaku baik, agar Nama Kristus semakin dimasyurkan
(Matius 5:18-19, Markus 9:35)
Pasirsir ma kuria in ase gabe sipambobai na toruh maruhur, sihabiari Naibata, sibalosi ajar ibagas biak na madear ase lambin tarbarita goran ni Kristus
(Mateus 5:18-19, Markus 9:35)

Parlobei ni
Sinode Bolon GKPS domma manotaphon paboa tahun 2020 gabe ‘Tahun Kepemimpinan yang Berkarakter’. Ase itotapkon pe ‘Tahun Kepemimpinan yang Berkarakter’, haganupan on marpardomuan hubani tujuan utama program na dob itotapkon hita bani periode 2015-2020 aima na laho ‘Memperkokoh Kualitas Sumber Daya Manusia & Kepemimpinan’. 

Bani tahun pangidangion na parpudi ibagas periode on, GKPS (marhitei program kerjani) iarapkon hita sirsir laho mambohali kuria in (khususni untuk bidang Sumber Daya Manusia) laho mangkobashon horja na madear (2 Timotius 3:17). Ase lambin mangarusi aha na gabe arah program kerja GKPS na marpardomuan hubani ‘Tahun Kepemimpinan yang Berkarakter’, dear ma pangarusionta pasal kepemimpinan pakon pemimpin (sipambobai) na berkarakter ase boi ma ipatangkas use. Anggo humbani pangarusion na sederhana, kepemimpinan aima sada kemampuan atap gogoh bani sahalak jolma laho mambobai hasoman na legan ase dihut bani horja na talup sihorjahononni, ase das hubani tujuan (goal) organisasi atap hasadaon na dob itontuhon. 

Halani ai laho das hubani tujuan na nidokan, iporluhon do kepemimpinan (sipambobai). Boi do ibotoh hita sonaha hajongjonganni sahalak pambobai marhitei aha na boi ampa na dob idapotkononni kepemimpinan ai. 

Halani haganupan on adong do pardomuanni pakon tujuan ni ase adong sipambobai; laho mangurupi hasoman na legan ase gabe termotivasi, mempertahankon ampa meningkathon motivasi bani dirini. 

Marhitei hata na legan boi sobutkonon paboa sipambobai na dear (na sintong) aima pemimpin (pambobai) na boi mambere motivasi dompak hasoman sahorjani age dompak halak na legan ase boi das hubani tujuanni hasadaon ai, songon na dob itontuhon.

Orientasi Tahun Kepemimpinan yang Berkarakter
Bani pelaksanaan program kerja tahun 2020, piga-piga parhara na marpardomuan pakon kegiatan Tahun Kepemimpinan yang Berkarakter aima :

  1. Pangarusion pasal Sipambobai (Kepemimpinan) na Berkarakter
Laho mangarusi pasal hajongjongan ni sipambobai, gati do on gabe sada fenomena sosial na roh marhitei ganup interaksi sosial na adong i tongah-tongahta. Haganupan on sasintongni domma gabe sada pengalaman ni ganup jolma, janah ipungkah humbani pardong ni jolma idunia on. 

Anggo bani Bibel ta ihatahon do paboa sipambobai aima sahalak na boi patuduhkon dalan na sintong janah ia sandiri mardalan ilobei laho mambobai, mangkasomani, gabe siusihan janah boi mangarahkon halak na legan marhitei pamingkirion ampa pambahenan. 

Marhitei hata na legan boi sobuton paboa kepemimpinan (gabe sipambobai) aima cara atap upaya sonaha laho mambobai, memberdayahonn ampa mangarahkon na ibobai ai ase mangarusi, mangkorjahon ampa mandalankon visi pakon misi ase haganup unsur na adong bani organisasi ai boi riap marhorja, dihut homa laho mambere sijengesan bani goluhni ase dapotan haganup bani tujuan na sinura ni uhur ni ganup anggota. On do na mambahen ase porlu adong pangarusion pasal sipambobai (ke-pemimpin-an). 

Anggo na imaksudkon hata ‘berkarakter’, on pe marpardomuan pakon pambahenan ampa tabiat na orod arti ni hubani berkepribadian ampa berwatak. Kepemimpinan berkarakter na imaksudkon ijon, maningon adong ma kualifikasi na profesional, objektif ampa marhaporsayaon na toguh.

 ‘Pemimpin yang berkarakter’ maningon adong do ibagas ai na igoran kemampuan profesional, mangarusi keterampilan markomunikasi dompak hasoman na legan, udung bani hamubahon na adong, janah sadalan hubani haporluan na adong bani panorang on. 

Hunjon boi ma iarusi hita paboa ‘Kepemimpinan yang Berkarakter’, totap do marpardomuan pakon kemampuan profesional na laho ipakeihon laho mangaturhon, mangidangi, janah mangarahkon na porsaya in (na ibobai ai) ase das hubani tujuan ni hagoluhan ampa organisasi na ibagas hapintoron ampa hasintongan. 

Sasintongni bani Bibelta, adong do piga-piga contoh na gabe tokoh pambobai na markarakter songon Musa, Abraham, Daud, pakon na legan. Sidea on totap do mandalankon harosuh ni Naibata. Mangkorjahon horja ni na sadalan hubani hajongjonganni sonai pakon haporsayaon ni.
  1. Sipambobai (Kepemimpinan) yang Berkarakter bani Gereja
Sasintongni dasar teologi humbani tugas ase gabe sipambobai bani halak Kristen maningon do marpardomuan pakon pandiloon ampa pamilihan ni Naibata tumang. Ibagas ganup tulisan na iabags Bibel isobut do paboa parjumpahan pakon Naibata (divine encounters) marpardomuan pakon pandiloon ni Naibata. 

Pandiloon ampa pamilihonni Tuhan dompak jolma in aima sada pandiloon ase sirsir jolma in laho mangidangi Naibata sonai age ganup kuria-Ni. Kepemimpinan gerejawi gati do mambuat pola atap model kepemimpinan ni Tuhan Jesus na gabe sada bentuk kepemimpinan na ideal. Tuhan Jesus gati manobut diri-Ni gabe Parmahan na Madear (Johanes 10:10). 

Ia do homa na pajonamkon paboa sifatni kepemimpinan ai sasintongni gabe sahalak jabolon (servant leader) na tentuni haganupan on boi do lang sadalan hubani model kepemimpinan na adong i dunia on na somal ni sihol pataridahkon kuasa ampa gogohni sandiri (hirarkhi).

Ibagas model kepemimpinan gerejawi, bani ganup pambobai ni kuria in pasti do mandalankon kepemimpinanni ibagas biar dompak Naibata. Maningon taridah do on humbani sahap sonai age pambahenanni bani ganup ari. Bani ganup pambobai ni halak Kristen, pandiloon ni Naibata domma gabe sada pangungkabon na laho mambahen pondasi marhitei horja pangidangion humbani sahalak sipambobai. 

Halani ai kepemimpinan Kristen sedo pitah pasal laho manggoki haporluan pribadi ni sada jolma, tapi anggo gabe sipambobai mararti ma ai sihol mangarahkon, mambahen ase ganup jolma lambin mananda ampa porsaya hubani Naibata ibagas Tuhan Jesus Kristus na sekaligus laho pasangapkon goran-Ni bani goluh on. Kepemimpinan na laho pataridahkon kesetiaan hubani Tuhanta Jesus Kristus. 

Songon Ia na gabe Parmahan na Madear, na totap setia laho mambobai ganup biribiri-Ni, sonai ma namin sipambobai bani kuria in ase boi gabe siirikkonon ni buei jolma ibagas horja pangidangion. Halani ai, ia (sipambobai) sedo gabe sahalak na pitah laho pataridahkon kuasani tumang (otoriter). 

Ibagas hata na pondok boi ma hatahonon paboa kepemimpinan Kristen seng na laho gabe simada kuasa (control otoriter) marhitei pikiran ampa pambahenan ni hasoman na legan, tapi maningon gabe sahalak pambobai na sirsir laho mangkasomani, mangarahkon ampa mangurupi hasoman na legan.

Laho mangarusi aha na imaksudkon kepemimpinan gereja, dear do ase ganup sipambobai ni halak na porsaya sirsir laho mamparimbagaskon aha na talup sibahenon ni sahalak sipambobai marhiteihonni:
  1. Mangarusi janah mangkaporsayai paboa pitah Naibata do hansa na mandilo hita ase gabe sahalak sipambobai dompak hasoman na legan.
  2. Ibagas hadirion ni sahalak sipambobai porlu do adong bani model kepemimpinan na marpardomuan pakon pangajarion na humbani Hata ni Naibata janah sirsir mandalankon ai bani hagoluhanni na gabe sipambobai.
  3. Sipambobai ni halak Kristen maningon boi do mangarahkon ampa mambobai hasomanni ibagas holong, marhitei uhur na pentar janah marparlahou domu hubani hapentaron na humbani Tuhan in.

  1. Pambahenan ampa tanggungjawab ni pemimpin yang Berkarakter
Ibagas na mandalankon ‘Kepemimpinan yang Berkarakter’, adong do piga-piga parhara na marpardomuan pakon ai ase boi ihorjahon sahalak pambobai marhitei pambahenan ni, songon:
  1. Sipambobai aima administrator. Paboa sahalak pambobai, marpardomuan do ai pakon horja-horja pembukuan na gabe horja ni sahalak administrator. Halani ai sahalak pambobai maningon mangarusi aha do deba humbani horja ni na adong hubunganni pakon dunia on. Pambobai maningon mambere panorangni laho mansahapkon na porlu sihorjahonon hubani hasoman na legan, tarlobih ma ai na marpardomuan hubani masalah-masalah na adong i tongah-tongah ni hasadaon ai. Maningon adong ma homa panorang bani sipambobai laho mamingkirhon na porlu domu hubani horja ni. Ase adong inisiatif atap gagasan (ide) na gabe dasar laho menghasilhon administrasi na kreatif. Halani ai administrator (na gabe sipambobai) pasirsirhon panorang ni laho mambere limbuah sijengesan marhitei aha na ihorjahonni.
  2. Sipambobai aima organisator. Keberhasilan ni sahalak administrator sasintongni marpardomuan do pakon organisasi na efektif. Salah sada tugasni sipambobai aima mangatur atap mangorganisasihon buei horja-horja administratif. Tugas on tentuni dohor do pakon horja pengawasan pakon na manugashon (mangarahkon) hasoman na legan. Halani ai, aspek-aspek humbani pangidangion ni gareja gabe lambin urah ihorjahon janah gabe boi ma ibahen sada administrasi na lambin dear use.
  3. Sipambobai do na mambahen haputusan. Halani tanggungjawab ni ganup horja sasintongni adong bani sipambobai marhitei na mangkorjahon program na dob iputushon. Ijon ma porlu ni adong na mambotoh laho padaskon tanggungjawab ai hubani sidea na sasintongni mangarusi aha sihol horjahonononni na gabe hataridahan ni tanggungjawab ni haganup. Porlu ma adong pangarusion pasal on. Halani ai, sahalak sipambobai boi do mangondoskon on hubani na ihaporsayaini janah na memang mampu laho mangkorjahon tanggungjawab ai. Sikap na laho mambuat sada haputusan, sasintongni adong do on bani hampir haganup bidang kepemimpinan, agepe anggo humbani praktekni buei do na mabiar laho mandalankon on. Tapi maningon iarusi hita do paboa bani hajongjonganta selaku sipambobai, ijai do homa adong tanggungjawab laho mandalankon haganup na dob iputuskon laho ihorjahon bani goluh on, laho pataridahkon tanggungjawabta na laho mandalankon program ni kuria in.
  4. Sipambobai aima fasilitator. Maningon adong do bani jaringan (pambotoh) na boi mambahen ase lambin ibohali haganup hasoman ni laho mengembangkon sumber daya manusia marhitei fasilitas na marpardomuan pakon ai. Anggo on haganupan lang boi igoki, hasoman na ibobai sahalak pambobai na sisonon pasti ma hatadingan bani aha na idompakkon bani goluh on.
Humbani hatorangan na sinobut iatas ai boi ma hatahonon paboa Tahun Kepemimpinan yang Berkarakter aima sada kesempatan bani GKPS laho mambahen (merencanahon) (ke)pemimpin(an) na unggul janah berkarakter ase haganup lembaga kepemimpinan na adong bani GKPS boi mardalan ibagas na torsa.

Na gabe sasaran rencana program  Tahun Kepemimpinan yang Berkarakter
Domu hubani pelaksanaanni tahun Kepemimpinan yang Berkarakter, penekanan ni program kerja boi marpardomuan hubani piga-piga pokok pikiran. Pokok program kerja na imaksudkon ijon naming boi ma sadalan hubani jadwal kegiatan GKPS sonai age porluni haganupan on bani lingkup Sinode, Resort sonai age kuria. Piga-piga na gabe sasaran program kegiatan na imaksud ijon aima songon:
  1. Adong ma namin proses evaluasi ampa re-orientasi domu hubani model kepemimpinan ni GKPS bani panorang on ase dapot hita ma teologi kepemimpinan bani GKPS.
  2. Optimalisasi nilai-nilai keunggulan kepemimpinan ni GKPS, ibagas on ma homa adong sihol ni uhur laho mamparktekkon pola kepemimpinan na dob adong hinan i tongah-tongahta, domu hubani kearifan lokal songon nilai-nilai ni sapangambei manoktok hitei.
  3. Patandahon (sosialisasi) model kepemimpinan ni GKPS na sari, toruh maruhur, sihabiari Naibata, sibalosi ajar ampa marpambahenan na madear.
  4. Mambohali sipambobai ni GKPS marhitei na mangadongkon program kerja ‘Latihan Dasar Kepemimpinan’ ampa ‘Latihan Kepemimpinan Berkelanjutan’ na dob taruji ampa berjenjang.
  5. Ase mangihutkon struktur organisasi ni GKPS na sehat ampa dinamis.
  6. Mangindahi, mandapotkon janah manotapkon (rekruitmen) calon-calon pambobai ni GKPS na sadar bani pandiloon sadalan hubani haporluan ibagas perobahan ni jaman on.
Iarap uhur do ase piga-piga arah program kerja na imaksudkon ijon selanjutni boi do iimplementasihon, sadalan hubani situasi, kondisi sonai age haporluan na adong bani ganup lingkup kepengurusan GKPS.

Tentatif  Pelaksanaan Program
Parhara na penting domu hubani pelaksanaanni Tahun Kepemimpinan yang Berkarakter, aima  sonaha ase kerangka acuan on itetapkon, panorang pelaksanaanni horja sonai age model atap ragamni program kerja. Agepe Sinode Bolon GKPS pa-43 domma manotapkon program kerja na sihol horjahononta bani tahun 2020, tapi adong do piga-piga jenis program kerja na ianggap gabe sada kekhususan laho ihorjahon ibagas tahun on. Piga-piga program kegiatan na imaksud ijon aima songon :

Goran ni kegiatan Pelaksana Program Panorang  Pelaksanaan Program Ianan
Manusun kerangka acuan pakon hatorangan sub Tema 2020 Tim Kerja September 2019  
Pembentukan Kelompok Kerja (Pokja) Pimpinan Pusat GKPS Oktober 2019 Kantor Pusat GKPS
Penjemaatan (launching) ampa Pelantikan Pokja Pimpinan Pusat GKPS Desember 2019 Kantor Pusat GKPS
Sosialisasi Program Kerja Tahun Kepemimpinan yang Berkarater Pokja Pusat, Ka.Dep/Ka.Biro, Praeses GKPS Nopember 2019 das Maret 2020 Rapat Koordinasi Distrik, Sinode Jemaat, Sinode Resort, RPL Seksi
Penjemaatan (launching) ampa Pelantikan Pokja i kuria-kuria Pimpinan Majelis Jemaat 31 Desember 2019 Bani ganu kuria
Pandalanankonon ni program kerja a.       Pelatihan kepemimpinan.
b.       Evaluasi ampa re-orientasi kepemimpinan GKPS.
c.       Optimalisasi keunggulan model kepemimpinan ni GKPS.
d.       Mangindahi ampa manotapkon (rekruitmen) calon-calon sipambobai ni GKPS na dob mangarusi pandiloon romban hubani haporluan ampa perubahan ni jaman.
Bani ganup
lingkup
kepengurusan
GKPS
 
a.     April das Juni bani lingkup Jemaat pakon Resort.
b.     Juni das Nopember bani lingkup Sinode.
c.     Ganup panorang bani  tahun 2020
d.     Ganup panorang bani  tahun 2020
 
a. Bani ganup kuria ampa  Resort
b. Kantor Pusat GKPS
c. Kantor Pusat GKPS
d. Kantor Pusat GKPS

Pendanaan
Pendanaan bani ganup program kerja Tahun Kepemimpinan yang Berkarakter on roh ni humbani  anggaran Keuangan Umum GKPS, hasil usaha ni Panitia atap Kelompok Kerja (Pokja), donatur na lang mengikat pakon sumber-sumber keuangan na legan; sadalan hubani Penatalayanan Keuangan ni GKPS.

Penutup
Sonai ma Kerangka Acuan on ihadearhon gabe pedoman laho mandalankon buei kegiatan na marpardomuan pakon Tahun Kepemimpinan yang Berkarakter.
Makna Logo
Tahun Kepemimpinan yang Berkarakter 2020
  1. DASAR PEMIKIRAN
Tuhan memampukan GKPS menyiapkan jemaatnya untuk bertumbuh menjadi pemimpin-pemimpin yang berkarakter.

SIMBOL
  1. Salib mewakili pengakuan warga GKPS akan keselamatan yang dianugerahkan Tuhan sebagai kerangka pembentukan pemimpin yang berkarakter untuk tetap memuliakan Tuhan.
  2. Daun sirih mewakili budaya Simalungun sebagai salah satu karakter pemimpin, yaitu rendah hati dan hormat kepada Tuhan dan sesama serta bersedia untuk menerima ajaran/masukan yang membangun.
  3. Benih mewakili warga jemaat GKPS sebagai benih yang siap dibekali untuk tumbuh dan berbuah menjadi pemimpin yang berkarakter.

WARNA
  1. Biru melambangkan kesetiaan Tuhan melalui firman dan kasih-Nya bagi manusia yang diwujudnyatakan melalui kepemimpinan berkarakter yang disiapkan GKPS.
  2. Hijau melambangkan perdamaian, persatuan antar warga jemaat sebagai kekuatan untuk saling membangun menjadi pemimpin yang berkarakter
  3. Kuning melambangkan kemurnian kepemimpinan yang berkarakter, tidak tergerus dan pudar oleh situasi.
  4. Jingga melambangkan semangat warga jemaat GKPS untuk mengembangkan kepemimpinan yang berkarakter.
  5. Merah melambangkan kekuatan, tekad kuat ataupun keberanian warga jemaat GKPS sebagai benih yang siap untuk bertumbuh menjadi pemimpin yang berkarakter.

TEMA PAKON JADWAL KEGIATAN GKPS TAHUN 2020
“TAHUN KEPEMIMPINAN YANG BERKARAKTER 2020”

Tema        :  “Ibohali Manghobaskon Horja na Madear”. (2 Timoteus 3:17)
“Diperlengkapi untuk Melakukan Perbuatan Baik”. (2 Timoteus 3:17)

Sub Tema : “Pasirsir ma Kuria in ase gabe Sipambobai na Toruh Maruhur, Sihabiari Naibata, Sibalosi Ajar, ibagas Biak na Madear, ase lambin Tarbarita Goran ni Kristus” ( Mateus 5:18-19; Markus 9:35)
“Persiapkan  Jemaat menjadi Pemimpin yang Rendah Hati, Takut akan Tuhan, Taat kepada Ajaran, Berperilaku Baik, agar Nama Kristus semakin Dimasyhurkan” (Matius 5:18-19;Markus 9:35)                  

JADWAL KEGIATAN
Januari Sosialisasi Tahun Kepemimpinan yang Berkarakter 2020
8-10 Januari Sidang Majelis Penginjil
12 Januari Panggalangon sa-GKPS untuk Kegiatan Tahun Kepemimpinan yang Berkarakter 2020
14 Januari Rapat Kerja Pimpinan Pusat (I)
15-17 Januari Sidang Majelis Pendeta
 Januari s/d 15 Pebruari Rapat/Sinode Jemaat (Periode) –    Rapat Pengurus Seksi Jemaat, Pimpinan/Majelis Jemaat (Persiapan Laporan 2019)
–    Pengawasan Keuangan Seksi Jemaat
–    Rapat Anggota Seksi Jemaat/ Periode (Pemuda, Wanita, Bapa)
–    Pengawasan Keuangan Jemaat oleh Pengurus Resort
–    Sinode Jemaat (Laporan 2019)
–    Rapat Majelis Jemaat (Periode PMJ, Pemilihan Pengurus Seksi SM Jemaat)
9 Pebruari Panggalangon sa-GKPS untuk Dana Diakonia Sosial  pakon RBM
 Pebruari s/d  Maret Rapat/Sidang tingkat Resort (Periode) –    Rapat Pengurus Resort, Pengurus Seksi Resort (Persiapan laporan, Program/APB
2020)
–    Pengawasan Keuangan Seksi Resort oleh Pengurus Resort
–    Rapat Anggota Seksi Resort (Laporan, Program Kerja/APB 2020, Periode Kepengurusan)
–    Pengawasan Keuangan Resort oleh Pimpinan Pusat
–    Pengawasan Keuangan Seksi Pusat oleh Pimpinan Pusat
–    Sinode Resort (Laporan, Program Kerja/APB 2020)
–    Pengawasan Keuangan GKPS oleh Majelis Gereja
–    RPL Seksi  (Laporan,Program Kerja/APB 2020)
–    Hari Doa Sedunia (HDS)
8  Maret Minggu Wanita  / Hari Perempuan Internasional
22 Maret Panggalangon Sa-GKPS untuk dana pensiun pegawai
April  s/d Juli Pembinaan  Majelis Jemaat
19 April Minggu Hari Bumi Se-Dunia
22-25 April Sidang Majelis Gereja (I)
26 April Panggalangon Sa- GKPS untuk kegiatan Oikumene
27  April Rapat Kerja Pimpinan Pusat  (II)
3 Mei Minggu Kemitraan
31 Mei Pesta Sekolah Minggu GKPS/Parroh ni Tonduy Napansing
7 Juni Minggu UEM
21 Juni Minggu Pelajar (Panggalangon Sa –GKPS untuk  Pendidikan  GKPS)
7 Juli Sidang Majelis Gereja (II)
8-12 Juli Sinode Bolon GKPS ke-44
13 Juli Sidang MG III
19  Juli Panggalangon Sa-GKPS Untuk Pembangunan 2 Gereja
9 Agustus Pesta Olob-Olob Jemaat
23 Agustus Minggu Pelayanan hu bani na Mabalu, Lansia ,Tading Maetek pakon Difabel
 September Pesta Olob-Olob Resort
02 September Pesta Olob-Olob Keluarga
Oktober Pembinaan Pendeta pakon Penginjil
8-10 Oktober Sidang Majelis Gereja (IV)
11 Oktober Panggalangon Sa- GKPS untuk  Panti Asuhan BKM pakon Panti Karya
12 Oktober Rapat Kerja Pimpinan Pusat  (III)
Oktober-Nopember –       Rapat Kordinasi/Evaluasi pakon Penyusunan Program Kerja/APB 2021 i Distrik/Resort –       Rapat Kerja Pimpinan Pusat  di semua Distrik
–       Sinode Jemaat (Penetapan Program/ APB Tahun 2021)
Nopember Bulan Pekabaran Injil
8 Nopember Minggu/Pesta Bapa
26 Desember Hari Ulang Tahun Pemuda  (Natal Tuntunan)


Penjelasan :
  • Januari : -Panorang laho mansosialisasihon/menjemaatkon lebih lanjut Tahun Kepemimpinan yang Berkarakter marhitei atribut-  atribut berupa logo, poster sonai homa hatorangan sub tema ampa kerangka acuan. Ambah ni ai marhitei ganup kegiatan ibadah ampa rapat/sidang sadokah bulan Januari totap ipakei laho mansosialisasihon/menjemaatkon tahun khusus on.
  • 8-10 Januari : Sidang Majelis Penginjil : Sidang pakon Rapat Kerja sekaligus periode Ketua Majelis Penginjil
  • 12 Januari : Panggalangon sa-GKPS : Aima galangan khusus bani ganup kuria untuk haporluan manumpaki kegiatan dalam rangka Tahun Kepemimpinan yang Berkarakter. Tata ibadah songon na somal.
  • 14 Januari : Rapat Kerja Pimpinan Pusat (I) : Aima rapat Pimpinan Pusat pakon Kadep Biro sonai ganup Praeses khususni laho mempersiapkon pelaksanaan ni Sidang Majelis Pendeta
  • 15-17 Januari : Sidang Majelis Pendeta : Sidang pakon periode
  • Januari s/d 15 Pebruari : Rapat/Sinode Jemaat (Periode) : Pelaksanaan ni ganupan horja i tingkat jemaat antara lain pengawasan keuangan seksi pakon jemaat, rapat seksi jemaat sekaligus periode kepengurusan kecuali sikolah minggu, rapat majelis jemaat ampa periode pimpinan majelis jemaat pakon pengurus sikolah minggu jemaat sonai homa sinode jemaat dalam rangka laporan 2019.
  • 9 Pebruari : Panggalangon sa-GKPS untuk manumpaki dana diakonia (bencana alam, kebakaran, pakon na legan) sonai homa manumpaki RBM GKPS. Tata Ibadah songon na somal.
  • Pebruari s/d Maret : Pelaksanaan ni ganupan horja mulai hun Resort das hu Pusat, ipungkah humbani pengawasan keuangan seksi Resort, rapat anggota seksi resort (periode kepengurusan), rapat pengurus resort, pengawasan keuangan resort, sinode resort (periode kepengurusan), Pengawasan keuangan Seksi Pusat, RPL Seksi Pusat (Periode Kepengurusan), Pengawasan Keuangan GKPS sonai homa kegiatan khusus aima Hari Doa Se-Dunia (HDS).
  • 8 Maret  : Minggu Wanita GKPS/Hari Perempuan Internasional : Kegiatan na ilaksanahon secara serentak bani ganup kuria dalam rangka Minggu Wanita GKPS sekaligus Hari Perempuan Internasional mamakei tata ibadah khusus hun Kantor Pusat marhasoman tonah ni Pimpinan Pusat. Kegiatan na legan aima pengumpulan dana laho mangisi kas seksi wanita jemaat, resort pakon pusat. Pelayan ibadah aima anggota seksi Wanita.
  • 22 Maret : Panggalangon secara serentak bani ganup kuria laho manumpaki dana pensiun pegawai GKPS (YKP4). Tata ibadah songon na somal
  • April s/d Juli : Pembinaan Majelis Jemaat. Panorang pelaksanaan ni pembinaan hubani Majelis Jemaat baik i Jemaat, sa-Resort, sa-Distrik atap na ilaksanahon Departemen Pembinaan. Materi ni isesuaihon hubani kebutuhan ni bei.
  • 19 April : Hari Bumi Se-Dunia : Kegiatan Minggu Khusus dalam rangka peringatan hari Bumi Sedunia, mamakei tata ibadah hun kantor pusat marhasoman tonah ni Pimpinan Pusat. Lang pala adong panggalangon khusus.
  • 22-25 April : Sidang Majelis Gereja (I) : Sidang na parlobei mansahapkon materi na dob itotapkon sonai homa hasil pengawasan Majelis Gereja
  • 26 April : Panggalangon secara serentak sa GKPS manumpaki kegiatan Oikumene. Tata ibadah songon na somal.
  • 27 April : Rapat Kerja Pimpinan Pusat (II) rap pakon Ka Dep Biro ampa Praeses mansahapkon pelaksanaan ni Haputusan Majelis Gereja (I).
  • 3 Mei : Minggu Kemitraan :Minggu khusus dalam rangka kemitraan ni GKPS pakon mitra na i Jerman mamakei tata ibadah khusus hun kantor pusat marhasoman tonah ni pimpinan pusat. Iadongkon panggalangon khusus laho manumpaki Dana August Theis (DAT)
  • 31 Mei :Pesta Sekolah Minggu/Parroh ni Tonduy Napansing : Kegiatan Pesta SM sekaligus Pentakosta mamakei tata ibadah khusus hun kantor pusat marhasoman tonah ni Pimpinan Pusat. Kegiatan berupa pengumpulan dana mangisi kas SM Jemaat, Resort pakon Pusat. Sipangidangi aima Pengurus SM Jemaat.
  • 7 Juni : Minggu UEM : Minggu khusus UEM mamakei tata ibadah khusus hun UEM janah iadongkon panggalangon laho manumpaki UEM
  • 21 Juni : Minggu Pelajar sa-GKPS : Minggu khusus na berfokus hubani pendidikan mamakei tata ibadah khusus hun kantor pusat marhasoman tonah ni pimpinan pusat janah iadongkon panggalangon khusus manumpaki kegiatan pendidikan.
  • 7 Juli :Sidang Majelis Gereja (II) : Sidang laho mempersiapkon laporan ampa na porlu domu hubani pelaksanaan ni Sinode Bolon GKPS ke-44.
  • 8-12 Juli : Sinode Bolon GKPS ke-44 : Kegiatan : Laporan Pimpinan Pusat, Majelis Gereja, pemberlakuan  TTD/TTL GKPS, Program GKPS 2020-2025,  Periode Pimpinan Pusat, Majelis Gereja.
  • 19 Juli : Panggalangon secara serentak sa-GKPS laho manumpaki pembangunan ni 2 (dua) jemaat/kuria janah tata ibadah songon na somal.
  • 9 Agustus : Kegiatan Pesta Olob-olob mamestahon 117 Tahun ambilan na madear i Simalungun, i Jemaat secara serentak mamakei tata ibadah khusus hun kantor pusat marhasoman tonah ni Pimpinan Pusat. Iadongkon pengumpulan dana/panggalangon marhitei amplop khusus hun kantor pusat na gabe tumpak olob-olob jemaat.
  • 23 Agustus : Minggu khusus na igoran pelayanan hubani na mabalu, lansia, tading maetek ampa difabel na ilaksanahon secara serentak sa-GKPS mamakei tata ibadah khusus hun kantor pusat marhasoman tonah ni pimpinan pusat. Lang pala adong panggalangon khusus, tapi kegiatan na iadongkon aima aksi diakonia hubani na mabalu, lansia, tading maetek ampa difabel bani masing-masing jemaat.
  • September : Pelaksanaan ni Pesta Olob-Olob Resort sesuai hubani jadwal masing-masing Resort mamakei tata ibadah khusus hun Kantor Pusat marhasoman tonah ni Pimpinan Pusat. Siparambilan bani masing-masing Resort aima Pimpinan Pusat atap pe utusanni.
  • 02 September :Pelaksanaan ni partonggoan olob-olob keluarga secara serentak sa-GKPS mamakei tata ibadah khusus hun kantor pusat. Iadongkon panggalangon bani ganup keluarga na gabe tumpak olob-olob keluarga.
  • Oktober : Sidang Majelis Gereja (III) : Sidang rutin mansahapkon materi na dob itontuhon
  • 11 Oktober : Panggalangon secara serentak sa-GKPS untuk manumpaki BKM pakon PKR. Tata ibadah songon na somal.
  • 12 Oktober :Rapat Kerja Pimpinan Pusat (III) riap pakon KaDepBiro ampa praeses mangaturhon pelaksanaan ni haputusan Sidang Majelis Gereja (III)
  • Oktober-Nopember : Pelaksanaan ni Rapat Kordinasi/ Evaluasi pakon Penyusunan Program Kerja/APB 2021 i Distrik/Resort, sonai homa Rapat Kerja Pimpinan Pusat bani ganup Distrik domu hubani jadwal masing-masing Distrik pakon pelaksanaan ni Sinode bani ganup Jemaat  laho manotapkon  Program/ APB Tahun 2021
  • Nopember : Pelaksanaan ni kegiatan na berfokus hubani Pekabaran Injil bani ganup lingkup ampa kepengurusan i GKPS
  • 8 Nopember : Pelaksanaan ni minggu khusus Seksi Bapa GKPS secara serentak sa-GKPS mamakei tata ibadah khusus hun kantor pusat marhasoman tonah ni pimpinan pusat. Iadongkon pengumpulan dana mangisi kas seksi bapa jemaat, resort pakon pusat. Sipangidangi aima anggota seksi bapa jemaat.
  • 26 Desember : Pelaksanaan ni minggu khusus Seksi Pemuda GKPS secara serentak sa-GKPS mamakei tata ibadah khusus hun kantor pusat marhasoman tonah ni pimpinan pusat. Iadongkon pengumpulan dana mangisi kas seksi Pemuda jemaat, resort pakon pusat. Sipangidangi aima anggota seksi Pemuda jemaat.

Pematangsiantar, Oktober 2019
Pimpinan Pusat GKPS


Pdt. M. Rumanja Purba E p h o r u s Pdt. Dr. Paul Ulrich Munthe Sekretaris Jenderal


Sumber: www.gkps.or.id
Share this article :

Post a Comment