. Menahan Diri Marhamlet 8 Taon, Tanda Brigpol Yosua Hutabarat Pria Sejati dan Setia | BeritaSimalungun
Home » , , » Menahan Diri Marhamlet 8 Taon, Tanda Brigpol Yosua Hutabarat Pria Sejati dan Setia

Menahan Diri Marhamlet 8 Taon, Tanda Brigpol Yosua Hutabarat Pria Sejati dan Setia

Written By Beritasimalungun on Monday, 25 July 2022 | 11:00

Brigpol Yosua Hutabarat dengan Kekasihnya Vera Simanjuntak (.IST)


Oleh: Samuel Pardosi

Jambi, BS-Ra tunggodang do ra manisia on na hea marhamlet 2 minggu putus, 3 bulan ditekong donganna, 2 taon muli tu paribanna, 5 taon putus ala ro sidoli Parkalimantan, 8 taon sirang alani hona pelor ni donganna. Ipe sura-sura ni polisi doi, ai soadong mamerengi apalagi CCTV na nunga sega ninna disittak ronggur 2 minggu sebelum 8 Juli 2022 i. 

Ai memang di era digital 4.1 on ronggur ipe nunga dohot marsikkola huroha jala nga paham IT dohot program jala ronggur dohot potir sonari malo do mandeteksi aha namasa sogot, haduan dohot 4 bulan nai. Ido makana ikkon sittakon maon CCTV on asa unang boi be kodak on aha namasa sadari manipat.

Ueeee tahe...ronggur na buriapus, tangkangmu sumalin. Boasa ma ikkon CCTV ni jenderal i pola sittakonmu...naso adong be jenderal naasing?? 

Alai tutu, adong do namarhamlet holan sian fesbuk do, saminggu nari pajumpang pintor marsittuhu marhamlet, cocok be, sepakat menikah. Jadi ma tumang dang adong kendala, dang ditekong dongan, dang pola hohar alani sinamot naotik, ala nunga matua be jala kebetulan masa ni Covid 19 dos nitahi ma sibahen na saut. 

Jadi ma pestai...
Saonari mulak ma hita tu Brigpol Joshua. Marujung ngolu ibana alani pelor ni donganna. Tembak menembak, ninna. 5 pelor ni donganna tombus hona sasaran sude makkonai gabe 7 luka. Alai 7 pelor ni Brigpol Joshua on dang nanggo adong makkonai dongannai nanggo apala sada. 

Hape Brigpol Joshua on salah satu penembak jitu doon jala dang diraguhon be on molo maniop pistol. Ido makana hamletna manang paribanna Vera br Simanjuntak hona tembak topet dipusu-pusuna sampe boi marhamlet LDR_an alias jarak jauh sampe 8 taon. 

 Hape 5 pelor ma mambahen Brigpol joshua on gadap marujung ngolu holan alani pelecehan ma ninna on tu oroanni Kadiv Propam Ferdi Sambo.

Hape molo pinarrohahon do nian pardijabu ni Irjen ferdi Sambo, Ny. Putri on nunga 49 taon. Ra, molo tu akka naumposo songon Brigpol Joshua on nunga dianggap on songon Inongna, omakna, pangittubuna. Apalagi Brigpol Joshua on nunga adong muse hamletna Vera Simanjuntak boruni tulangna di huta Merangin Jambi. 

Jadi molo adong tuduhan gabe pelecehan botcir ni hamamateni Brigpol Joshua on. Dang adong kemungkinan nanggo apala sanghotil monis pe. Apalagi nunga diprediksi keluarga rencana menikah dibogasan taon 2022 on manang 7 bulan nai setelah perwira. 

Apalagi molo dihalak batak molo adong rencana nikah dibogasan taun, minimal 8-9 bulan nunga mulai adong persiapan mulai sian persiapan pranikah di gareja sahat tu booking godung dohot patandahon tu akka keluarga. 

Biasana nian molo tung adong akka siabati manang pangambati diakka haposoon napasti molo dihabatakon selalu dipesanhon asa dipasidung akka pakkataion nagantung unang manundati tu akka rencana namangihut.

Jala komunikasi pe tutu intensma dison tu keluarga. Onma nasomal ni ida diparngoluan siganup ari diakka naumposo na serius tu jenjang keluarga baru. Apalagi molo sibaoadi sihahaan di keluarga tontu sahali gabe panutan maon siboan hasangapon di keluarga ala buha baju siboan sangap naboi mangarahut anggi ibotona. Sude halak batak do mampanghirimon tu sisongonon. Alana falsah ni batak, anakkon hido hamoraon diau.

Jala ido rupani adong ende namandok:
ILU NI ANAK SIAKKANGAN, Tung mansai borat do tutu molo gabe anak siakkangan. Ala godangdo kewajiban nanaeng siemban on na. Anak siakkangan ma muse gabe panutan tuakka anggi ibotona. Pitu batu martindi sada do sitaon na dokdok, jala onpe gabe sada kewajiban maon muse tu akka anak siakkangan sebagai pembawa marwah keluarga.

Mulak ma muse hita tu Brigpol Joshua, sebagai ajudan dohot adong rencana marhasohotan dohot hamletna Vera Simanjuntak marsitandaan di Merangin tikki tugas Brimob Merangin. Jala Brigpol Joshua  pe terpilih gabe ajudan Ferdi Sambo melalui proses melamar sewaktu gabe Kombes, Brigjen sahat tu Bintang dua. 

Dison boi ma dohonon Brigpol Joshua on termasuk baoa namampu menahan diri jala punya target dohot perencanaan matang alana begitu rapi ibana manusun suatu rencana nanaeng siulahononna sogot haduan.

Selama 8 taon mardongan sian najonok sahat tu LDR_an molo hata ni naumposo sonari. Tong do boi masijagaan holongna be.

Jala rencana ni Brigpol Joshua mangaririt siboru nitulang Vera Simanjuntak naeng dongan saripena dijanjihon molo dung dapotsa ma Perwira sebagai kado Pernikahan dohot boru ni tulang nai. 

Alai terkadang nunga uli dipatupa rencana olo do ro akka siabati manundati jala manegai. 
Holan alani pelecehan nadituduhkan tanpa bukti kuat gabe onma dasarna gabe mate sibaoadi Brigpol Joshua ala ni pelor ni donganna muse. Songon pandok ni polres Jakarta Selatan. 

Mate dibahen pestol ni donganna Bharada E, sabur mudar ni Brigpol Joshua naburju i. Jala sude janji dohot padan naung dihatahon tu hamletna Vera Simanjuntak, tinggal kenangan noma i sude. Ala nunga marujung ngolu Brigpol Joshua alani pelor pupusma harapan ni hamletna jala parsirangan ma akhir ni pardonganan nasaleleng on. 

Sai anggiat ma si boruadi boi mandalani ngolu-ngolu siapari jala boi mambukka roha tu baoa naasing jala dapotmu sinakkapan ni roham songon burju ni Brigpol Joshua on. Selamat jalan, Brigadir. (BS-Penulis Adalah Pemerhati Kebijakan Publik-(TS).
Share this article :

Post a Comment

St Dr Bonarsius Saragih Dilantik Jadi Pembantu Ketua I Sekolah Tinggi Hukum Bandung

St Dr Bonarsius Saragih Dilantik Jadi Pembantu Ketua I Sekolah Tinggi Hukum Bandung
KLIK Gambar Untuk Berita Selengkapnya

Jeritan Hati Warga Jemaat GKPS Dari Pinggir Danau Toba

Jeritan Hati Warga Jemaat GKPS Dari Pinggir Danau Toba
Sakit Bertahun Tanpa Pelayanan Medis