. Kebohongan Ditutupi Kebohongan, Jenderal-Mu Pun Dicopot | BeritaSimalungun
Home » » Kebohongan Ditutupi Kebohongan, Jenderal-Mu Pun Dicopot

Kebohongan Ditutupi Kebohongan, Jenderal-Mu Pun Dicopot

Written By Beritasimalungun on Friday, 22 July 2022 | 14:11

Photo mendiang Brigpol Joshua Hutabarat dohot keluaga makan bersama dilapo. Beliau termasuk polisi bersahaja, sayang keluarga, hormat pada wanita, perhatian dan santun.

Oleh: Samuel Pardosi SH

Jambi, BS- Sahalak Do Mangaltup Pinasa, Alai Godang Na Margota-gota ". Umpama on, tung mansai topet ma antong molo dipatudos tu namasa si saonari. Pinasa dohot Gotana. Molo nunga malamun pinasa i gotanape dang pola godang sai adong ma sasaotik. Alai molo nabibi do manang holan matoras dope gotana mansai godang ma tutu boi dohonon sae hera namamirsak noma molo tinallik manang tarseat marjojos.

Jala on, pinasa na bibi ma topet tudosanna. Nunga nabibi, alai ikkon dirurus ma on sian bonana. Diseat, dituhil, diattuk, di babbapi, dibola jala ditembaki , sampe lebam remuk pinasa na bibion, tong do dang boi malamun. Songon na niharapon ni manisia naceroboh i. 

Nabibi nga pasti margota-gota mamirsaki akka manisia na rakus. Jala godang ma tutu Korban Hidup alani pinasa nabibi on. Sude nian manisia rakus nambola, maneat, mangattukkon pinasa nabibi tanggal 08 Juli 2022 on ikkon manian gabe Korban Hidup manang dipecat secara tidak hormat maralohon pinasa nabibi on sebagai Korban mati tidak wajar dan Janggal.

Ra, molo tabukka manang tajaha media manang surat kabar. Tungsude ma tutu mambaritahon hamatean ni Brigadir Polisi Joshua Hutabarat on. Agiape di media sosial fesbuk, twitter dohot instagram gabe trending topic ma barita on agiape media luar nang dohot media lokal. 

Jala sude jolma ganup mangalean roha, tangiang dohot dukungan asa terbuka tu masyarakat Indonesia khususna keluarga boasa boi marujung ngolu Brigadir Joshua on hariada sona adong sahitna jala termasuk fisik nasehat do ibana molo pinarrohahon sian togap ni pamatangna.

Alai na tanggal 11 Juli 2022 gemparma bangso on dunga adong barita na mandok mate tembak manembak ninna Brigpol Joshua on dohot Bharada E di tanggal 08 Juli 2022 dibagas rumah dinas Jenderal Ferdi Sambo na menjabat sebagai Kadiv Propam Polri ima benteng terakhir penjaga marwah polri.

Jala laos diihuti ma muse pressrelease sian Kapolres Jakarta Selatan namandok, mate tembak manembak dohot Bharada E ala tartakkup basah pelecehan tu oroanni Jenderal Ferdi Sambo.

Kebetulan muse ninna Kapolres Jakarta Selatan on Jend Ferdi Sambo on lagi PCR tu luar. Jala tikki i ma 2 ajudan na on tembak menembak namambahen Brigpol J gabe tewas. On ma versi Kapolres Jakarta Selatan.

Ari sabtu, 08 juli 2022 ma tewas brigpol Joshua on alai dipabotohon dungpe tanggal 11 juli 2022, jala onma sada namambahen janggal hian kasus on.

Tarhatontong dohot jala mangangguk bobar ma sude keluarga dung diboto naung marujung ngolu anak panggoaran na anak buha baju jala harapan ni keluarga molo di falsafah ni halak batak. 

Sahat ma bakke ni Brigpol Jhosua Hutabarat on tu bagas ni Amongna Huta Sungai Bahar. Jala nunga di pamasuk tu jabu-jabuna/peti. Alai tutu, disonpe keluarga dang dipaloas lao mambukka peti mati on nanggo apala mamereng dohot mamastihon tohodo i Brigpol Joshua manang na dang. 

Alai marsigogo do sude keluarga asa dipaloas mangida bakke ni Brigpol Joshua on. Saddok godang ni polisi sabur tu rumah duka rumah orang tua ni Brogpol Joshua on terlesan hurang sopan, hurang ramah, dang humanis/manusiawi, dang diattusi keluarga na lagi marsitaonon na dok-dok jala adong muse ma on na manutup pintu dohot menghalang-halangi aktifitas  keluarga dohot muse melarang keluarga asa unang adong liputan.

Alai malo do akka namarasi ni roha i...tongdo sae adong namangaliput agiape marsitabuni alai tontu sahali liputan ipe gabe barang bukti mai muse molo nunga dijolo ni undang-undang.

Hamatean memang dang binoto andigan tikkina!!! Alai molo adong nahamatean tontu sahali sude keluarga lagi marsitaonon na dokdok. Mar-empati manian tutu, manang unang gabe tong dohot paleahon naung mate apalagi mate mengenaskan. 

Dang pola dung opat ari, tewasnya Brigpol Joshua on gabe perhatian ni rakyat Indonesia ma tutu. Alana mansai godang hian na janggal naso masuk nalar dohot logika ni jolma lumobima di halak batak.

Antar songononma hajanggalonna:

1. Marujung ngolu Brigpol J, 
Ditembak 5 peluru hona sude jala gabe 7 ma lukana,  alai 7 peluruni brigpol J di tembakkon alai dang adong nanggo apala manghonai Bharada E hape Brigpol J penembak Jitu. Sementara Bharada E di tangga Lantai 2 jala Brigpol J di lantai bawah. Molo nabinoto tu magon do manembak nadi ginjang daripada naditoru, didokma on 'dangan' ma ninna. Apalagi dibarengi dohot suara madabu, sae hera na wibawa ma namanembaki.

2. Brigpol J Tewas, Jenderal Ferdi Sambo pas PCR alai dang adong ajudanna mandongani, alias manopiri sandiri.
Alai tahe hamuna, ai molo kelas ni Jenderal molo PCR, check asam urat, dohot naasing nari ngaboi dijou tu jabuna.

3. Ondope dabo huboto hami, dang adong pembantu (borua_baoa), pangaloppa, panucci baju, tukang kobun, dohot tukkang sikat toilet di Jabu ni janderal. Hape Manejer kobun pe sonari nunga pola 2 halak pambantuna alias PRT.

4. Jala ondope dabooo, binoto adong ajudan ni jenderal boi nakkok tu lante 2 ni jabu ni janderal i. Molo na hea ni ida, piga_piga kapolres sude ajudanna holan di pos penjagaan do manang adong pavilium khusus ajudan dohot pengamanan.

5. Naumparahna, boi muse ma on Brigpol J gabe supir ni inanta ni Jenderal Ferdi Sambo hape ia Bharada E gabe ajudan/sopir ni Jenderal FS. Sian sisi kepangkatan pe nunga dao i. 
Nga maup be timba tu dolok...

6. Didok inongni Brigpol Joshua, inanta ni Jenderal Ferdi Sambo memperlakukan Brigpol Joshua nunga songon ianakkonna. Jala olo do mangurupi Brigpol J dohot anggina molo hurang uang kontrakan jabu. Tontu sahali, pelecehan nadituduhkan tu Brigpol Joshua hera so topet do.

7. Molo tutu adong tembak_ menembak, boasa adong luka sayatan, benturan, lebam, jahitan, pergeseran rahang, jari patah, lingkar di leher???

8. Boasa boi di autopsi tanpa persetujuan keluarga??? Aha hak ni Jenderal Fredi Sambo mangalean izin autopsi molo adong dope keluarga namangolu??? 

9. Boasa boi mago CCTV dung tewas Brigpol Joshua di rumdis Jend FS???
Jala polisi do tong namanakko CCTV i tanpa pemberitahuan tu ketua RT.

10. Boasa dang adong laporan tu RT, hape RT pe sona pangkat Bharada hape. Tong do Jenderal....berarti dang adongbe senioritas???

11. Molo tohodo, kasus tembak_menembak antara level bawah Brigpol dohot Bharada. Mambahen Brigpol J tewas. Boasa pola jenderal bintang 1 manaruhon bakke i tu huta ni natorasna Sungai Bahar, Jambi???

12. Boasa adong  pelarangan liputan oleh polisi di rumah duka??? Sampe dibagas rumah dukape sude polisi i mamakke sipatu dohot jonjong laos so dihargai do akka prosesi adat habatakhon tu bakke ni Brigpol Joshua.  Dison polisi pe nunga merendahkan adat istiadat habatakhon. Hape adat sada Norma na linier doi sejajar dohot Norma hukum dohot norma kesopanan laho  parngoluan ni sude jolma asa uli jala denggan.

13. Ditaruhon polisi bintang 1 sian Jakarta, dikawal dirumah duka, dibajui pakaian dinas Polri. Alai upacara pemakaman sian kedinasan Polri dang adong dipatupa!!! Boasa??? Anggo tong do ditaruhon Jenderal bintang 1, boasa ikkon pola jenderal bintang 1 pola manaruhon? Naso adongbe perwira tinggi naasing?? 

14. Molo tutudo tembak-menembak. Boasa boi mago 3 hape ni Brigpol Joshua??? Jala boasa adong peretasan akun sosial WA dan telpon keluarga???

15. Boasa boi rap mate akun sosial Wa Brigpol Josua, berarti adong mengendalihon muse.

16. Boasa adong pernyataan pressrelease Kapolres berbeda-beda.

17. Magelang ke Jakarta, +/_ 7 jam. Alai sebelum 7 jam nunga sahat bakke tu Rumah Sakit.

18. Molo tutu Jenderal Ferdi Sambo , PCR. Ai boi do di bukka "Peduli Lindungi".

19. Molo tutu do Jenderal FS dan Brigpol J ke Magelang, gunakan jalan tol. Buka CCTV jalan tol.

20. Locus_tempus, napaling strategis perkara naboi ditarik diperistiwa tewas Brigadir J, memang holan pelecehan na berbaur tu boruama. Asa boi mengundang simpatik_empatik sian loloan natorop. Ipe molo boi borua nai diperankan songon si Jesica Mirna, merasa dang mardosa.

21. Molo tohodo alani pelecehan gabe masi tembakan, jala adong na tewas hape sahalak nari masih "Glowing" mulus tak berbekas. Tontu perkarana 2 hal, ima:
* Pelecehan
* Pembunuhan

22. Ala naung adong do na tewas Brigpol Joshua, boasa dang di takkup polisi Bharada E. Masalah benar manang dang adong do hukum na berlaku di republik Indonesia on.

23. Pistol nadipakke Bharada E, pistol raja-raja. Boasa loason pistol raja-raja tiopon ni Babu alias ajudan??

24. Ise mangalean pistol i?? Adong do sertifikasina?? Adong do nomor ni i jala boi doi dipadomu tu pistol nai sesuai do alurna.

25. Brigpol J tewas oleh pistol Bharada E, Bharada E laos so ditakkup, Sobinoto tudia...hape jelas do didok Kapolres Jakarta Selatan bahwa Brigpol Jhosua tewas meregang oleh pistol Barada E. 

26. Didia Nyonya Putri Sambo???

27. Jala heado disoroti Jenderal Ferdi Sambo masalah penggunaan pistol oleh polisi. Molo so adong izin, sertifikat boasa dang disikat sebelumna.???

28. Peluru nadimuntahkan, boi do diboan tu gudang senjata memastikan ise do nampunasa!!

29. Molo sian gestur namasihaolan Jend Ferdi Sambo dohot Fadil lebih condong isyaratna " Boasa ma pola gabe songonon?"

Ima naboi tarjaha...artina manjaha naso tarsurat majolo dangi.

30. On pamungkas ma on. Molo halaki boi manusun cerita boasa ia hita dang boi mansura-sura. Olo do sura-sura gabe cerita muse.

Boha musema!!!

Teriakan histeris Nyonya Putri Sambo, dang na teriakan Pelecehan oleh Brigpol Joshua. Alai teriakan ala naung tewas do Brigpol Joshua di jolona. Naluri seorang ibu nanggo apala saottik lokkot dope di roha ni Nyona Ferdi Sambo. 

Apalagi, songon isu namandok hurang harmonis belakangan on ala adong Nona Ri*a sipalambok pusu-pusu. Alai teriakan histerias na on gabe diubah sutradara dadakan gabe teriakan histeris pelecehan. 

Jala on ma permulaan kebohongan i ditutupi dohot kebohongan-kebohongan naasing nari naso sinkron, naso kronologis, naso logis, naso masuk akkal, janggal, melebihi sinetron, merusak institusi. 

Songon na nidokni Amang Kapolri Listyo, ikkon Terang benderang_transparansi, akuntabel dohot terbuka. 

Sada masukan sekaligus kritikan ma muse tu Kapolri molo manontuhon polisi hundul di jabatan-jabatan strategis tontu sahali manian akka na humanis ma halakna, paham dohot akkup diboto UU, unang temperamen. 

Jala pesan moral tu sude penegak hukum, naeng manian humanis hamu be jala tetap patujolohon UU dohot uhum naberlaku di Republik Indonesia on. Lumobi tu hamu Polisi, Bohama molo peristiwa on ro tu tonga-tonga ni keluargamu. Dophon ma rohamu. 

Sai anggiat ma nian bantuan hukum sian Lae Komaruddin Simajuntak, SH dan kawan-kawan boi patuduhon habonaron dohot rasa adil natumimbo diatas ni peristiwa tewasna Brigpol joshua Hutabarat on.

Untuk keluarga mendiang Brigpol Joshua Hutabarat sai anggiat ma sahala ni ompui mandongani jala dipatudu Tuhan akka nauli nadenggan dohot pangaramotiaon.

Pesan :
♤ POLRI Harus berbenah secara besar-besaran.
♤ Beri sanksi pada Polisi yang ada pada TKP 08 Juli 2022 (Rumdis Jend FS) dan Rumah duka Sungai Bahar, Jambi.
♤ Benahi dan Sanksi Kapolres Jakarta Selatan dan jajarannnya yang lakukan presrelease.
♤ Kembalikan marwah Polri sebagai pengayom masyarakat khususnya Div Propam Polri sebagai benteng terakhir mencari keadilan.
Mauliate, Horas Bolon.
(Penulis: Pemerhati Kebijakan Publik (TS)
Share this article :

Post a Comment

St Dr Bonarsius Saragih Dilantik Jadi Pembantu Ketua I Sekolah Tinggi Hukum Bandung

St Dr Bonarsius Saragih Dilantik Jadi Pembantu Ketua I Sekolah Tinggi Hukum Bandung
KLIK Gambar Untuk Berita Selengkapnya

Nasib Pilu Parialus Saragih Sidauruk, 7 Terbaring Sakit Tanpa Pengomatan Medis

Nasib Pilu Parialus Saragih Sidauruk, 7 Terbaring Sakit Tanpa Pengomatan Medis
KLIK Gambar Untuk Berita Selengkapnya

BERITA LAIN II